A OSL da Universidade da Coruña, que ten o seu domicilio social na primeira planta do Centro de Investigación en Tecnoloxías da Información e da Comunicación (máis coñecido como CITIC) do campus de Elviña, escolleu o comezo de decembro como a data para realizar dúas interesantes actividades.

A primeira son unhas xornadas de Software libre, que se realizarán os días 1, 2 e 3 de decembro, e nas que "pretenden dar un enfoque xeral e práctico sobre o software libre, centrándonos especialmente nos sistemas GNU/Linux" e ten un programa bastante interesante para unhas charlas introductorias. O curso realizarase na aula de graos do segundo piso da Facultade de Informática.

O segundo acto é un "Curso sobre los aspectos legales del software de fuentes abiertas", que se realizará os días 2 e 3 de decembro na aula de formación 2 da biblioteca Xoana Capdevielle, e tentará "presentar e comentar, brevemente e cun enfoque xeralista, os principais aspectos xurídicos do Software de Fontes Abertas".

Os cursos son de gratuitos, entregarán certificado de asistencia e con prazas limitadas, así que se estades interesados entrade canto antes na web da OSL: http://softwarelibre.udc.es/