Ola: anunciámosvos que a actividade planificada de Obradoiros de instalación xa ten a súa programación (in)estable: por defecto (by default...) o derradeiro sábado de cada mes estaremos no local á disposición de quen teña interés en instalar algunha versión de GNU/Linux no(s) seu(s) equipo(s).
(but...) Facemos a salvedade de que en ocasións pode suceder que dito sábado programado non se poda celebrar por algún motivo, polo que quen estea interesado pode visita-la web para saber en cada momento si se fai ou non. De feito iste mes de abril o sábado de "install" coincide coa celebración da Festa do Champiñón, en Ordes; e nós, os inestables, imos estar no campo da feira con "xoguetes" libres no noso propio stand. É por isto que en abril (current) o obradoiro de instalación adianta a súa programación e celebrarémolo iste sábado que vén, día 17. Estaremos alí á vosa disposición a partir das 16:30 (2º andar da Casa de Cultura en Ordes)
Aparte dos obradoiros programados e as súas salvedades, a petición tamén podemos programar noutras datas, e mesmo (se houbera xente abondo) poderíamos prantexarnos unha "quedada" de fin de semana.
Qué facemos nun obradoiro de instalación?

• Concepto de distribución e cómo elexir unha
• Probas modo "live"
• Arranques múltiples
• Particionado e redimensionado
• Instalación
• Configuracións post-instalación
• Actualizacións
• Persoalizacións
• Escritorios
• etc

Na planificación recollemos como resultado dos obradoiros de instalación un torneo que se vai celebrar a finais do verao (aínda sen data concreta).
Trátase de presentar o escritorio de cada participante e expoñe-los seu modo de traballar e, en base a parámetros de usabilidade, ergonomía, e mesmo estética, puntua-lo.
Por suposto haberá premios (aínda sen concretar)
A iste torneo pódese presentar calquera usuario dalgunha distribución GNU/Linux, é dicir, non é necesario que participe nos obradoiros, claro que se hai usuarios que xa empreguen GNU/Linux, aínda que non precise os obradoiros de instalación, pode participar connosco e así axudar á xente que veña.
Estades tod@s convidad@s.